នាយឧត្តមសេនីយ៍ ស ថេត សម្រេចលុបទិន្នន័យយានយន្តជិត ២ពាន់គ្រឿងចេញពីបញ្ជីគ្រប់គ្រងយានយន្តនគរបាលជាតិ
ភ្នំពេញ៖ នាយឧត្តមសេនីយ៍ ស ថេត អគ្គស្នងការនគរបាលជាតិ នៅថ្ងៃទី១៧ ខែតុលានេះបានចេញសេចក្ដីសម្រេចលុបចេញទិន្នន័យពីបញ្ជីគ្រប់គ្រងយានយន្ត ដែលបំពាក់ផ្លាកលេខនគរបាលជាតិ ដំណាក់កាលទី១ សរុបចំនួន ១,៩៤៧គ្រឿង (រថយន្តទេសចរណ៍ ១,១៣៩គ្រឿង រថយន្តដឹកទំនិញធុនស្រាល ១៦២គ្រឿង និងទោចក្រយានយន្ត ៦៤៦គ្រឿង) ដែលមាននៅក្នុងបញ្ជីតារាងឧបសម្ព័ន្ធលេខ ៦៦៧ ន.ច.ស ចុះថ្ងៃទី០២ ខែកញ្ញា ឆ្នាំ២០២៤ របស់នាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ។ នេះបើតាមសេចក្ដីសម្រេចដែលអង្គភាព EAC News ទទួលបាននៅល្ងាចថ្ងៃទី១៧ ខែតុលានេះ៕
